Lampard s’heq dorë, e dëshiron Brojën si zëvendësues të Richarlisonit

13:31 | 9 Korrik 2022
Fjolla Bajraktari

Evertoni nuk e ka ndërmend të heq dorë nga gara për transferimin e Armando Brojës.

Trajneri, Frank Lampard, synon të shfrytëzojë kontaktet me ish-klubin e tij për të sjellë sulmuesin shqiptar në “Goodison Park.

Broja mori vëmendjen e shumë klubeve, pasi regjistroi paraqitje të mira si i huazuar te Southamptoni në sezonin e fundit.

Sipas “Mirror”, anëtari i Kombëtares shqiptare shihet si zëvendëdues i Richarlisonit te Evertoni, pasi braziliani kaloi te Tottenhami.

Më hëret është raportuar se 20-vjeçari do të fillojë bisedimet me Chelsean lidhur me të ardhmen – pasi po kërkohet nga disa klube.

Përveç Evertonit, West Ham United është klubi tjetër anglez që ka shprehur interesim serioz për lojtarin.

Armando Broja besohet se ka tërhequr vëmendjen edhe të klubeve nga Holanda, Gjermania e Italia. /Gazeta Express/

 

Shpërndaje në rrjete sociale

Lajmet më të lexuara

Të ngjashme

Foto lajm